Alessandria, satira della ‘businà’ su sindaco e vescovo

ALESSANDRIA – Satira della ‘businà’ su sindaco e vescovo al Carnevale. Che oggi ha avuto come sfondo il quartiere Cristo di Alessandria.

Né Giorgio Abonante né monsignor Guido Gallese sono stati risparmiati delle rime. Prodotte e lette da Gianni Pasino, il quale si è soffermato sui (molti) problemi della città, dalla ztl fino… ai grigi.

Gli amanti del dialetto possono sbizzarrirsi. Di seguito, il testo integrale.

 

BUSINA’ DEL CARVÈ LISANDRÈN 2024

U j’è pòc da reji, j’è pròpi gnente da ghignè

ma pruvùma a fèli con la Businà, perché l’è Carvè,

e quindi, me cara gent

fumsi curàgi, che pitòst che nent

us sa cl’è sémper mej pitòst,

sercònda tra la füm ün poc d’aròst.

 

A chi ch’u dis che a suma ant ‘na sità

‘ndo ch’i’è mai ‘na nuvità

a voj di che da nessuna parte,

esclusi Saturno e forse Marte,

per nent fè pasè pü gnente

j’òn bütà la fioriera “semo”-vente…

 

andònda che u “semo” dla parola

forsi el va ben per chi cl’a stüdià,

j’ò ‘ncura nent capì an quala scola

ma a so che da piasa dla Libertà

 

t’ei fursà a giré dadnòn al Cumén

con tüt i paletti ch’jòn bütà zü

jén drera l’ater… a l’è tüt pén,

ui n’è tònc ac’mè ant ‘na pista da sci.

 

E po’, dazà ch’a sùma ant l’uriginalità

dimi voi se ant al mond j’è n’atra sità

europea, asiatica o americòn-na

ans la culén-na o ans la piòn-na

 

n’ do ch’jòn fac acsé tònc pastìs

pitürònda el strà con la vernìs!

Chisà che sgar… quònt tuléti

anmà per fè pasè el bicicléti!

 

A j’ò ‘nt la ment, per ac’mé ch’a l’ò vista

che con tüt cul righi, i pòver ciclista

ogni giurnà ch’i bitu el ròvi an tèra

is preparu ac’mé ch’iandéisu an guèra

 

e quòndi ch’i turnu a cà, i famigliari

i basu ac’mé quòndi che ‘l persòn-ni cari

dal fronte, povr’omi, i turnavu andré

nenta quatà…, ma almenu, an pé!

 

Ònca j’automobilista, al digh dabòn,

con tüt ch’ul righi i vòn an cunfisiòn.

Dadnòn a l’Esselunga i son misteri,

opira a l’è ’na manéra per andè dric au simiteri,

 

perché, prima o pò, ‘na machina la pùsa

i ciclista fèrm ans la striscia rùsa.

Certo che se ‘l guèri i fisu tüti acsé

a pudrisu barlichèsi i gumi e dì del mòn e di pé

 

i la sbroiu nent ant l’Ucraina,

ma gnònca là an fond, an Palestina

e pensè che ant la Bibbia… e carta cònta,

u j’è scrìc ch’a l’è ‘na Tèra Sònta;

 

e chisà anlùra che rasa ‘d batàja

se anvéci che Sònta la füsa ampestàja.

Cuilà sé ch’i son prubléma dabòn,

u j’è chi ch’us masa per sold o per religiòn.

 

Noi ch’ì a riva a Tani suma pü mudèst,

el nòster batàji i son di pretèst;

as cuntentùma ‘d risiè per truè ün cadreghén

ch’el posa andè ben al pover Barusén

 

che, am sbagliarrò, ma um sméa mai cuntént

ònca se ‘d vut u ‘na j’à pòc o nent.

Me a son chì a parlè, ma a pos nenta ‘nvidiè

u Sindic Abunònt che, con tüt el gròn-ni ch’a l’à da sbrujè

 

u dev dè da ment, perché ormai a l’è ün vizi,

a cui c’l’à antùr e i fòn i caprizi

sensa smentiè che u so Partì,

gira e rigira, l’à ancùra nent capì

sl’è mej stè ansèma a cui ac’mè Barosini

o tensì an cà cui che i ciamu Grillini.

 

E ‘ntònt che i rauanu per sa ròba lé,

a Lisòndria, col tasi im fòn sémper tribilè

Uarda tej che putiféri u j’è sucès cun la Tari,

sperùma ch’il ròngiu prestu is afari

 

perché la clasifica la diz che ‘ndùma anòn uari uari,

a sùma setim an Italia parlònda ‘d rincari:

t’ai vòja a ciamèla inflasiòn o della vita aumenta il costo,

ma suma sémper nùjater a pièsesla in quel posto!

 

Tüta ‘n’atra storia sa fisu setim parlònda ‘d balòn,

anlùra sé cl’a sareisa ‘na sudisfasion;

i pòver Grigi im dòn anmà di dulùr…

su j’è ün gram, al piùma noi a fè u giugadùr

 

e pròpi pòc meis fa u j’è stàc ün mumént

che ogni giurnà us cambiava ün Dirigént!

A j’uma pers el chént, a suma nenta al pàs

per savèj chi cl’è ‘ndàc e chi ca l’è armàs.

 

Però i m’òn dic che per sa gabia ‘d màt

a rangè el ròbi ui pensa ün avucàt;

us ciama Rossini… e con pü ‘d ‘na poltrona

ònca s’l’è màgher, a l’è ün nov Palenzona.

 

U sarà per sulé che chi ch’us la fa bòn-na

i son cuilà che i stòn a Turtòn-na,

che ades j’òn i trenu, el fabrichi, u travàj

e Lisòndria, putròp, la resta con tüc i so guài

 

a stè lé a discùri, per del smòn-ni per ün concerto

ch’j’òn fàc a Capodanno an piasa, a l’aperto,

che u s’è facia la gara con cuilà d’Casà

per savèj andònda ch’u j’era pü tònta gent, an quale sità

 

gnònca se ansüma si dòi palc, an bòn-na fén,

ui fisa stàc i Rolling Stones o i Maneskén

opüra Baglioni o Morandi, anche se me, a voj dì:

j’avréisa avü pü car uardèmi Elodie!

 

anvéci a mezanòc, se ch’a pudiva fè; am son cuntentà

‘d Stefano Venneri cl’’è bèla platà.

 

Però ònca se chì im rompu j’òs

l’è nent al cas ch’as piansu adòs,

ònca sa suma ‘ncùra pén ‘d difèt

ant i tirèt j’uma di prugèt

 

per fè funsiunè u Scalo ‘d la feruvéa

c’l’è gròs ac’mé meza sità, almenu um sméa,

per u téater, che u duvrisa avèj d’j’atùr…,

ma l’è lé che u specia i müradùr.

 

E po’, l’Uspidàl: j’òn fàc tònt bataiè

i savu nent se da chì  o da là, andò ch’i l’aurivu bütè…

adès ch’j’òn stüdià andònda c’l’è pü cunveniént

i scuatu che i sold ch’j’òn i basteròn nént…

 

e me j’ò poura che quòndi che j’euro j’avròn finì ‘d chintè

ch’i fasu, magari, ‘n Uspidàl da mèz e mèz. Ac’mé ch’a l’è?

Lé it dan l’anestesia, ma l’uperasiòn

t’at la vai a fè ant ün àter cantòn.

 

E ‘nt’el menter ch’i disu che l’Uspidàl a l’è n’ ecelénsa

con di Prufesùr ch’j’on stidià la Siensa

con tònc Diplòma e tònti midàji

che i lisu splendénti tacaji al miràji,

me am ciam perché sa j’ò ün mèz maqué

per ‘na visita, ün para d’ani, um tuca spicè

 

e perché al Pronto Soccorso, ac’mè ‘n’ansansà

im lasu ans ‘na barèla, e po’ us vigarrà…

e me armàn lé con ‘na brüta céra

a spiciè ch’ui riva almenu ‘n’inferméra

ch’am fasa quaicòs, ch’am daga ‘na mòn

prima ch’am büta a telefunè a Bagliòn.

 

A pruposit ‘d Bagliòn…  a j’ò vist anmà iéri

che la Stasiòn di trenu a l’è ‘dventàja ‘n simitéri;

‘na vòta a j’era di negòzi e an pòc ‘d vitalità

adès anvéci a l’è quasi tütt sarà.

 

Fònda ‘na spasigià ant’i giardén

a j’ò ‘ncuntrà el me amiz Pidrén

ch’um ‘na chénta sémoer del novi…

ad nòc, ant ‘i parcheggi, dal machini i portu vea el rovi …

Ròbi da ciò! As arcmandùma a la Puliséa

che sti disgrasià prestu ui péa.

 

 

Po’ am sòm tràc ant’el Curs e se u centro a l’è ch’ul ch’a l’è,

la periferia… lasùma sté!

Valmadòna a la fàc parlè almeno un po’

con u sò Comitato del Nò.

Spinetta, dermàgi, ‘na nuvità pròoi nenta l’è,

con la sò fabrica la fa tribilè,

Casabaiòn, a l’è za ‘n miracu che u sò castè

l’arman ancùra an pé

e a Mandrogne mincantònt ui brüsa quaicòs

ma il fan nenta ‘d sichira per scaudèsi j’os.

 

Anlùra ant là sità ‘ndò che anzén u s’angrasa,

u j’è chi che pròpi bén ancùra us la pasa:

Monsignùr Gallese, ormai da ‘n tòc

la pensà ben ‘d fèsi u traslòc

e adès u sta ant ‘n apartamént

però ant ün post ch’a l’è in cunvént

e al Santa Chiara, ciamli gnurònt

u s’è fina fàc u so risturònt.

 

U l’à stüdiaja bén, ma bén dabòn

epüra an gir j’è pü mea ‘d vucasiòn,

‘na vota fè al previ l’era ‘n unùr.

Adès u j’è pü ‘nzén ch’al prega Nòster Signùr

e a Lisòndria urmai l’è ün lìssu, ‘na bléssa

avèj cucadén ch’u saba dì méssa.

 

A j’ò capì anlura che la ricetta

a l’è ai religius fèi sautè la gavetta:

basta stidiè an seminari o an cunvént…

us dventa sübit Vescuv con la patént.

 

Schisèmi se con sta cita Businà

anveci ad stè alégher a v’ò sagrinà,

a l’è che i temp i son cui chi son

ma a reji col disgrasji a sùma ancùr bòn

e uardòndzi antùr, se ch’a j’uma mai da di

 

con d’j’aministratùr che i m’avu garantì

che per fè sta ben tutta sta gente

j’avreisu fàc la città “intelligente”

con i pà dla luce che i parlavu

e i rifiuti che gnònc pü i spisavu

 

e gli autobus sémper puntuàl

tüt culegà: la Stasiòn, l’Uspidàl…

ma ‘l prugèt l’è mort.. soldi non tengo

ogni bòn-na idea l’è ‘ndacia a ramengo.

 

Addio città intelligente, t’am piazivi tònt,

ma sùma destinà a armani gnurònt…

e a tej lisandrèn, che t’ei sémper al piòn di babi

at dag in bel cunsiglu: “Oh, fa che t’n’abi!”