Alessandria, la businà colpisce vescovo e sindaco: ecco le rime

ALESSANDRIA – Ci sono due tipi di businà, ad Alessandria: quella in prosa che apre gli spettacoli del Gelindo e quella in rima che caratterizza il Carnevale.

Sempre di satira si tratta, con la differenza che la poesia carnevalesca ha una valenza storica, perché si rifà al momento in cui (appunto, nel periodo carnevalesco) il popolo aveva facoltà di ribellarsi al potente. E lo faceva, anzitutto, a parole.

Businà contro i potenti

Ora, ovviamente, i tempi sono cambiati e la businà ha assunto altri connotati, anche se è evidente che i potenti della città vengono fatti oggetto di battute. Poteva mandare il sindaco Giorgio Abonante? E che dire del suo vice Giovanni Barosini? E poteva starsene fuori il vescovo Guido Gallese, di recente finito nell’occhio del ciclone (anche) a causa della sua fiammante Testla?

Ovviamente no, ci spiega Gianni Pasino. Che, oggi, in piazza Garibaldi, ha letto le rime che qui di seguito vi proponiamo, nell’augurarci che abbiate sufficiente dimestichezza col dialetto…

 

 

Me car amis dla businà

tanc auguri d’bon Carvà:

se jè ancura di lisandrén

sensa sercaji cou lanternén

stei a senti cul ch’iè capità

ant la nostra bela sità.

 

A savu nent se a javu j’argument

da  fa rejii titta sta gent

meno male  che lo scorso mese

u jè rivà la storia d’Guido Gallese

clà purtà Lisòndria vanda cl’è stacia mai

ansimma i giurnal e fina ant la Rai,

tic scandalisà perché jin dla religion

al po nent girà col machinon

e anveci du surf in posti lontani

se ui pias l’acqua, c’al vaga a Tani.

 

Basta là: an dui dì an sta sità

is son scandalisà anche al masnà

cmé che se ticc cui jè qui atur

i fiisu nent di pecatur

e titt perché al vescuv cl’è nent gnurant

u s’è fac fina al risturant

che “Favorite” u là ciamà

ma per  mangià t’devi pagà

quindi jò capì, sensa pruvali,

Favorite… in para d’bali.

 

Mi a jò pensà fin da l’inissi

che a voi nent dà di giudissi

a so nent parlà né ben né mal

perché a son mijia in tribunal;

an bon-a fin, l’inica roba che am sent ‘d di

l’è che la Tesla l’aurijsa anche mi

ma per fa al vescuv jo nent al patentin

perché a jo mai fac manc al cirighin.

 

Meno male,  e l’è sacrosanta verità,

che per serni in vescuv is va nent a vutà

nui che a jomma za  i noc sagrin

per serni a chi daji al cadreghin

quand che ‘n atr’ani a saromma ant al bon

perché a Lisòndria i saran a gl’elesion.

 

 

Giorgio Abonante magari u resta

sla nent quaic’atra mira an testa

e a driccia i smijia che i  voru ‘na parte

Buzzi Langhi e Priano, figli d’arte

o magari l’Emanuele che ogni dì

contra la Cumin-a uj n’a da dì.

Ma cul che u m’anteresa per dabon

l’è cul che al fa cullà dl’Asion

che da in para d’ani a l’è felice

perché jan dac in post da vice

ma che se u nàsa ant l’aria che mal la marca

u scala sì dlonc  da la so barca

us uarda atur e per truvà in bogg

e a j’aversari d’ancò uj sgnaca l’ogg

perché, tra tanta fim, u so arost

l’è pudei avej d’sighira in post.

 

In post sighira, ma fomma i scongiuri

i l’avran i Grigi… e tanc auguri:

dop in mig d’sagrin, se ca duvomma di?

As cuntentomma dla Serie D

ma se qui a jomma in bon president

l’è perché i l’an sercà fina a Quargnent.

 

Se u vori fa du sport, fei i ciclista

av lu dig con di  bon mutiv e av fas la lista:

i m’an bità an centro storico tanc divieti

che i cumerciant i saran nent lieti:

imbsogna gavà al machini per l’ambient

ma a inquinà l’è un riscaudament

con dal cauderi che i fan di dani

e i son pi vegi che Restiani.

 

Comunque, se la milta t’vori nent pià,

se t’fai fadijia a parchegià…

t’devi  anche savei che se hai fretta

la solusion a l’è la bicicletta.

 

E po’ con la bici t’ei fursà

a uardà d’ansà e an là…

se t’riesi a Lisondria a fa ‘l ciclista

t’superi l’esame della vista

e con tic i bog ca jè a ogni canton

ti ans la sela… col vibrasion

abia nenta pou, fati curagi

cl’è in metodo bon per fa i masagi.

 

Speromma che decidinda d’sarà al stra

quaicos d’gist jabu andvinà

per rilanciare il centro a vanda che a pé

urmai i van ammà i frusté.

 

‘Na vota a jera i noc fioji e al mati

adess jè amprimma j’immigrati

col braji slavaji e cappuccio an testa

vistì pareg anche u dì dla festa.

 

 

Ma meno male che i son rivà

se no con la crisi dla natalità

a sereisu qui… pià dla vergogna

a spicianda invano la cicogna.

Che al vo di, sensa fa tanti paroli

che la va a finì che i saru al scoli

e ant la sità d’Rivera, al dig dabon

is fareisa fadijia a giugà al balon.

 

Po’, al so… andanda anan acsì

la businà a la faromma pì

e speromma che Gelindo u tena bota

ca posu sc-iarali ancura quaica vota

e chisà che magari  fra vint’anni us farà

ant in spassio pì gros che a cà di fra

al merita la ribalta nasiunal

o almeno in teater cmè ‘l Cuminal

se il rangiu, ma i disu j’utiimista

che quaica nuvità la jè an pista

mi a ringràs cu staga an pé

e se fra quaic meis i drobu al foyer.

 

A spec anche al museo ant l’ex cunvent

per furtin-a a Cuttica jan dac dament

e a voi quaicadin unvisca la miccia

per fa parti  la piscina che ades l’è siccia.

Ma am cuntent che is visu d’rangià

ans al pont dal Burmia la raminà

e al Tiziano… al cursiji jan strensì

jan druvert al cantiere… e l’è armas lì.

 

Vist che i fan fadijia a bità a post cul ch’iè

se ‘n’at pont il fan nent… u jè in perché

l’è mei manc cmensali, lasomma sta

che se po’ u s’aruinna, imbsnogna rangià.

 

E pensà che in pont nov l’è na benedision

per i pasagi di camion e di furgon

ades che a somma circundà dai cabanon

perché a catomma ammà con Amazòn.

As lamentomma che tanc negosi jan sarà

che al luminarie an curs Rumma jan nent bità

che an centro i sa sc-iara pi nin

ma po’ a catomma duvranda al telefunin

as fomma purtà la speisa a cà

la carn, la frita,  anciuui e  bacalà.

A jò ‘n amisa che ant j’ultim dì

la sc-iara pì al corriere che so marì,

l’è che cullà al po nent daji sudisfasion

ans la stra u  lasa an moto al so furgon:

manc ‘na sveltina, senza troppo ritmo

perché u dev daji dament a l’algoritmo.

 

Soma mal pià se ades is uadagna

se t’travaji nent la to campagna

ma se t’bitti dapartit pannelli solari

che i rendu tant ma i son bej uari.

 

Tra mija tanc ani, atur la sità

javromma ciment e panél a vuluntà

jè da sperà che i sijia in su splendent

se no i panel i servu a nent…

Ma urmai coi climatici cambiamenti

je nent al  periccul d’j’impianti spenti

al fa coud, ul fa sempre più

per tanti giurnà u splend u su

su vori dl’acqua anche d’istà

la solusion l’è andà in poc pì an là…

perché l’atr’ani anche mi jo vist

che al piov a ogni festa che i fan al Crist.

 

Ades se cu vori, me cara gent

serchei d’pasà tic di bei mument:

stei alegher cl’è Carvà

imbsò divertisi, mangià, ghignà.

E se u vori la Tesla e tanti vacansi an calendari

andei almeno almeno… a stidià ant in seminari.